O recinto feiral do Trece acollerá este domingo a “XIX Feira do Mel e sector primario afín” organizada polo Concello
Preto dunha trintena de postos instalaranse o vindeiro domingo, día 10, no recinto feiral do Trece, na parroquia de Sedes, donde se celebrará a décimo novena edición da “Feira do Mel e sector primario afín” organizada polo Concello de Narón.
O concelleiro de Feiras e Mercados, Santiago Galego, presentou esta mañá a programación do evento, que se desenvolverá en horario de mañá e tarde e con múltiples propostas dirixidas a persoas de diferentes idades.
Do total dos postos, quince serán de mel, donde se venderá mel artesá e entre os restantes haberá outros de embutidos, produtos da horta, artículos de traballo apícola, conservas e tamén un espazo reservado para a Confraría de Barallobre e unha zona infantil para realizar obradoiros, tal e como indicou o edil naronés.
As portas do recinto feiral do Trece abriranse ás 11.00 horas e ás 12.00 darán comezo dous obradoiros dirixidos a nenos e nenas. Dúas monitoras encargaranse de impartir un sobre maquillaxes de fantasías, mentres que persoal da Casa do Mel, de Goente (As Pontes) impartirá un –tamén dende as 12.00 e ata as 19.00 horas, cunha pausa ao mediodía- sobre elaboración de candeas con cera.
Na “Feira do Mel e sector primario afín” haberá tamén un apartado gastronómico, con “showcooking” e degustación final a cargo da empresa Pata Celta, donde se realizarán diferentes elaboracións con porco celta e mel local, según indicou Galego, que recordou que o recinto pechará entre as 14.00 e as 16.00 horas.
Pola tarde o dúo de violín e violonchelo “The Duellist” actuará, interpretando temas de música de cámara e tamén bandas sonoras para, a partir das 18.00 horas dar comezo un relatorio técnico. Xosé Manuel Durán Orús, licenciado en Ciencias Químicas pola USC e presidente da Asociación MENA para o fomento da bioapicultura, será o encargado de falar ás persoas que acudan a este relatorio sobre “Bioapicultura: unha apicultura sen tratamentos”.
A última das propostas do programa dará comezo ás 19.00 horas, e consistirá nunha minicata de mel, tamén a cargo de persoal da Casa do Mel, de Goente. Nesta minicata poderán participar todas as persoas que o desexen, que terán a oportunidade de coñecer da man de profesionais como se distinguen as propiedades do mel, diferenciando as de produción industrial das artesáns e tamén o mel monofloral e multifloral, tal e como explicou o concelleiro de Feiras e Mercados. Esta edición da Feira do Mel e sector primario afín rematará ás 20.00 horas.
Santiago Galego asegurou que “esperamos contar coa presencia de veciñas e veciños de Narón e doutros concellos para formar parte deste evento que celebraremos un ano máis na parroquia de Sedes”.
